اهلا وسهلا فيكون،
من سنة ومن نفس المكان اطلقـنا سوا مهرجانات الكرمة السياحية
وكانت بداية عـهـد زحلة الجديد
يومها قـلنـالـكون رجعنا ت ترجـع زحلة الحلم،
رجعنا ورجعت معنا المهرجانات والأفراح،
يومها قـلنالكون قريبا رح نرّجع زحلة عالخارطة السياحية العالمية،
وهيك صار
لانو مع مهرجان ” أمسيات زحلة الدولي”
بين 11 و 17 آب بالبارك البلدي
رح تشوفو الأصالة الزحلية عم تزين سما لبنان والعالم كلو،
اما بالنسبة لمهرجانات الكرمة هالسنة
ومتل دايما
رح تكون مهرجانات لكل الفئات العمرية ولكل ابناء المجتمع الزحلي،
مهرجانات فنية وثقافية ورياضية،
وكل اهل زحلة معنيين بإنجاح هالمهرجانات
لانو الكل رح يـشاركو اما بـالـتحضيـر واما بـالـحضور
وخاصة انو الأموال يلي عم تنصرف عالمهرجانات
عم تستثمر بالجمعيات والمؤسسات الزحلية وهيدا شي بشرفنا وبيبسطنا
من سنة وعدناكون انو نواكب التطور التكنولوجي
وانو رح نـطـور البلدية الكترونيا
حتى المجتمع الزحلاوي يتفاعل اكتر واكتر مع البلدية
والاهم حتى نخفف مرارة الغربة عن الزحلاوي المغترب
وهيك صار
اليوم رح نطلق :
– الموقع الالكتروني للبلدية www.zahle.gov.lb
– تـطبـيـق الهواتـف الـذكـيـة : Mobile application
– وكمان موقع الكتروني Zahle GiGaPixls يلي بفرجيكون زحلة بمواصفات عالمية وتقنية عالية جدا بعالم التصوير
وهلق بآخر المؤتمر رح نقدملكون شرح مفصل عن هالمواقع
منتمنى منكون كإعلاميين تنقلوا دايما الصورة الحلوة عن زحلة
منتمنى عليكون توصلوا صوت زحلة الحلو صوت الأصالة والعراقة
وتخبروا عن زحلة مدينة الفرح والنجاحات والتألق
– برنامج الاحتفالات ل هالسنة رح يكون كالتالي:
——— عرض البرنامج ————–
واخيرا بشكركون فردا فردا على حضوركم وعلى اهتمامكون بمدينتكون
بشكركون على وقفتكون الصادقة حد مدينة زحلة لإنجاح كل نشاطاتها
وبشكر كل المساهمين من افراد وجمعيات وشركات ومؤسسات
وبشكر بشكل خاص الشركات يلي نفذو
مشروع الموقع الالكتروني
وتطبيق الموبايل
وموقع زحلة gigapixels
